Հովիկ Աբրահամյանը հնարավորություն ստեղծեց. Գալուստ Սահակյան

ԱԺ-ում լրագրողների հետ զրույցում ԱԺ նախագահ Գալուստ Սահակյանը նշեց, որ Հովիկ Աբրահամյանի կառավարությունը ոչ թե ձախողեց, այլ կարողացավ որոշակի շտկումներ մտցնել, և հայտարարեց, որ ինքն այն մտքին չէ, թե նախկին վարչապետը թերացել է իր գործում:«Նա վարչապետ դարձավ, երբ երկրի միկրոկլիման շատ ծանր էր և դժգույն, եւ անընդհատ որոշակի աշխատանք կատարվեց, ու հնարավորություն ստեղծվեց, որ մենք կարողանանք պաշտպանել մեր բյուջեն»,- փաստեց նա: Հարցին, թե ՀՀԿ-ն կադրեր չունի՞, որ դրսից է բերում, պատասխանեց. «ՀՀԿ-ն շատ կադրեր ունի, բայց էն կուսակցությունն է, որ ոչ թե կուսակցական խաղերի մեջ է, այլ ցանկանում է այնպես անել, որ երկիրը բարեհաջող առաջ գնա: ՀՀԿ-ն այնպիսի գործիք չէ, որ մարդը ծնվի ու դառնա այդ կուսակցության անդամ: Կուսակցության համար կարեւորը նա է, որ կարողանա իր ազգի միջից կադրեր որոնել»: