«Գևորգ Կոստանյանի ատամը ցավում էր, դրա համար հեռացա՞վ». Նիկոլ Փաշինյան

Պատգամավորները շարունակում են քննարկել ՀՀ գլխավոր դատախազի ընտրության հարցը: Գլխավոր դատախազի պաշտոնում ՀՀ Նախագահ Սերժ Սարգսյանն առաջադրել է Արթուր Դավթյանի թեկնածությունը: ԱԺ պատգամավոր Նիկոլ Փաշինյանը հանդես եկավ կտրուկ հայտարարությամբ: Վերջինիս համար անհասկանալի է նախորդ դատախազի Գևորգ Կոստանյանի հրաժարականի պատճառը՝ նշելով՝ միգուցե դատախազի ատամը ցավում էր, դրա համար հեռացավ: «Գլխավոր դատախազի նման առանցքային պաշտոնյայի հրաժարականը բացատրել մի տողով, որ նա առողջական խնդիրներ ունի, առնվազն անհասկանալի է: Հանրությունը կասկածներով վերաբերվեց այդ հիմնավորմանը։  Եթե ասում ես առողջական խնդիր ունի, ապա պետք է հստակեցնես։ Ատամի ցավն էլ է առողջական խնդիր։ Ատամը ցավում էր, դրա համար հեռացա՞վ։ Հանրությունը պետք է իմանա, թե այդ առողջական խնդիրը կարող էր արդյոք ազդել նրա ադեկվատության վրա, նրա կայացրած որոշումների վրա»,-ասաց Փաշինյանը:   Լ.Միքաելյան