Կարեն Կարապետյանի ընտանիքն ու անցած ուղին. լուսանկարներ

Կարեն Կարապետյանն իր աշխատանքային գործունեությունը  սկսել է ՀՀ պետպլանի հաշվողական կենտրոնից, դասավանդել է ԵՊՀ-ում:  1990-ականներին եղել է «Հայաստան-88», «Սիգմա» ՊՁ, ԳԱՄ «Լիմենս» ԿԻՏԿ, «Բայթ» ՊՁ փոխտնօրեն, «Հրազդան» բաժնետիրական բանկի նախագահի տեղակալ, ապա «Հայէներգո» ՊՁ-ում՝ գլխավոր տնօրենի տեղակալ, տնօրեն: 2001թ. նշանակվել է ՀՀ էներգետիկայի նախարարի տեղակալ: Դրանից հետո սկսվել է նրա «գազային» կարիերան: Նշանակվել է «ՀայՌուսգազարդ» ՓԲԸ-ի վարչության նախագահ-գլխավոր տնօրեն եւ պաշտոնավարել մինչեւ 2010թ: 2009թ. ՀՀԿ համամասնական ցուցակով Կարեն Կարապետյանը ընտրվել է Երևան քաղաքի ավագանու անդամ, իսկ 2010թ. դեկտեմբերի 17-ին ավագանու կողմից ընտրվել Երևանի քաղաքապետ եւ պաշտոնավարել մինչև 2011թ. հոկտեմբերի 28-ը: Կարեն Կարապետյանը ամուսնացած է, ունի երեք երեխա։ Մամուլը հասցրել է գրել նրա երկու երեխաների մասին։ Այսպես, որդին՝ Տիգրանը, ամուսնացել է 2015թ սեպտեմբերի 25-ին։ Նրա ընտրայլը 21-ամյա Մարի Հալունյանն է՝ սովորական ընտանիքից: Կարեն Կարապետյանի դուստրը ամուսնացած է Սահմանադրական դատարանի նախագահ Գագիկ Հարությունյանի եղբոր՝ Արզուման Հարությունյանի որդու հետ: Կարեն Կարապետյանին է պատկանում Հրազդանի կիրճում գտնվող Ֆլորենսը։ Նա ԼՂՀ մայրաքաղաք Ստեփանակերտում, քաղաքի հենց կենտրոնում գործող «Արմենիա» հյուրանոցի հարևանությամբ եւս ռեստորան է կառուցել, անունը դրել «Ֆլորենս»։ Կարեն Կարապետյանին է պատկանում Kerbedanz ժամացույցների բրենդը: