«Եզդիների ցեղասպանությունը չշահարկեք ընտրությունների նախաշեմին». Սաիդ Ավդալյան. տեսանյութ

«Գուրգեն Արսենյանի կարծիքով պետք էր 1-1.5 մլն եզդիներին ոչնչացնե՞լ, որպեսզի տեղի ունեցածը հնարավոր լիներ ցեղասպանություն կոչել:Մենք անհամբերությամբ չենք սպասում նրա հայտարարությանը,բայց միևնույն ժամանակ հիշեցնում ենք,որ նման հայտարարություններ պետք չի անել»-այս մասին Հայելի ակումբում ասաց «Երիտասարդ եզդիներ» հասարակական կազմակերպության ղեկավար Սաիդ Ավդալյանը: Վերջինիս խոսքով՝ ԱՄՆ կոնգրեսը, Եվրախորհրդարանը ու Կանադայի կառավարությունը ճանաչել են Իրաքում եզդիների ցեղասպանությունը: «Այն ինչ տեղի է ունեցել եզդիների հետ՝ ցեղասպանություն է, ոչ ոք չի կարող ժխտել դա կամ կասկածի տակ դնել: Մենք ընդամենը կոչ ենք անում բոլորին կասկածի տակ չդնել եզդիների ցեղասպանությունը, չփորձել շահարկել այդ ամենը՝ խորհրդարանական ընտրությունների նախաշեմին: Կոչ ենք անում ընդունել եզդիների ցեղասպանության ճանաչման մասին այս օրինագիծը ու դատապարտել այն: Մենք պետք է դատապարտենք եւ՛ Հայոց ցեղասպանությունը, եւ՛ եզդիների, քանի որ անպատժելիությունը հանգեցնում է նոր ցեղասպանությունների»- շեշտեց Սաիդ Ավդալյանը: Մանրամասները՝ տեսանյութում   Լուսինե Միքաելյան