Մենք աչք չունենք Սիրիայի տարածքի մեկ կտորի վրա. Էրդողան

Թուրքական Sabah թերթի փոխանցմամբ՝ Թուրքիայի նախագահ Ռեջեփ Էրդողանը երեկ Անկարայում 81 նահանգների ղեկավարների հետ հանդիպման ժամանակ հայտարարել է, որ իրենք հուլիսի 15-ի ռազմական հեղաշրջումից 40 օր էլ չանցած Սիրիայի հյուսիսում սկսեցին «Եփրատի վահան» ռազմական գործողությունը: «Ներկա դրությամբ Ջերաբլուսում ԴԱԻՇ-ից հետք չի մնացել: Դա միտված է Թուրքիայի սահմանների անվտանգության ապահովմանը: Մենք չենք կարող «այո» ասել ահաբեկչական միջանցքի ձևավորմանը: Մենք կողմ ենք խաղաղության միջանցքի ձևավորմանը: Մենք աչք չունենք Սիրիայի տարածքի մեկ կտորի վրա: Մենք 20 միլիոն քառակուսի կիլոմետրից 780.000 քառակուսի կիլոմետրի փոքրացած երկիր ենք: Ներկայումս մենք աչք չունենք որևէ մեկի հողերի վրա: Ջերաբլուսում զուլումի էին ենթարկվում թուրքմեններն ու արաբները: Մենք չէինք կարող անտարբեր գտնվել: Մեր տարածքը կազմում է 780.000 քառակուսի կիլոմետր, սակայն մեր սրտերը շատ ավելի լայն են, քան տարածքները»,- ասել է Էրդողանը: