«Մեքենաներից գումարներ են բաժանել». Վ.Էնֆիաջյան. տեսանյութ

«Համացանցում բազում հոլովակներ կան, որոնցում երևում է՝ մեկը մյուսին ընտրակաշառք է տալիս: Եթե ուզում ենք ՀՀ-ում լինեն ազնիվ քաղաքական ուժեր, պիտի դրա դեմ պայքարենք: Մեր կուսակցությունում բոլոր ՏԻՄ թեկնածուները հստակ գիտեն՝ ինչ են անելու, ինչ են փոխելու. ծրագրերը հստակ են: ԲՀԿ-ն բազմիցս կարողացել է ՏԻՄ ընտրութուններում հաղթել նաև ՀՀԿ-ական թեկնածուներին: Թեկնածուն հստակ ծրագրեր պիտի ունենա», – այս մասին լրագրողների հետ հանդիպման ժամանակ ասաց ԲՀԿ խմբակցության քարտուղար Վահե Էնֆիաջյանը՝ նշելով, որ ընտրակաշառքները մեքենաների միջից էին բաժանում և այդ կերպ ստվեր են գցում ընտրական գործընթացների վրա: Վերջինիս խոսքով՝ ազատ ու արդար ընտրությունների կայացումը հիմնաքարային նշանակություն ունի յուրաքանչյուր երկրի կայացման համար, իսկ ընտրակաշառքի ու ընտրախախտումների դեմ հարկ է ակտիվ պայքար մղել: Առավել մանրամասն՝ տեսանյութում Լուսինե Միքաելյան