Բա պորտաբույծ չեք, ի՞նչ եք. արձագանք Ռ. Քոչարյանի գրասենյակի պատասխանին

Կարեն Ավագյանի  գրասենյակի արձագանքը Ռոբերտ Քոչարյանի գրասենյակի պատասխանին Պաշտոնաթող Նախագահ Ռոբերտ Քոչարյանի` էլիտար պորտաբույծներ հիշեցնող գրասենյակի պարոնայք ի վերջո պատռեցին բարեկրթության դիմակը, որ այսքան ժամանակ այդպես նեղում էր իրենց, և բացեցին նախորդ դարից մնացած իրենց իրական արժեհամակարգը: Հարգարժան պարոնայք, ախր «ձայնդ կտրիր», «այսինչդ խանգարում է», «այնինչդ կջարդեմ» և նման «հաղթաթղթերը» վաղուց արդեն ժամանակավրեպ են, չե՞ք նկատել: Վերադիտեք Ռոբինզոն Կրուզոյի մասին հայտնի ֆիլմը, մի հինգ անգամ վերանայեք այն հատվածը, երբ նոր արժեքներ սովորողը կրկնում է. «Չուտել մարդու միս, խմել այծի կաթ»: Կարծում ենք, խորհելու առիթ անպայման կունենաք այդ դիտումից: