«Ավագանու թեկնածուները 1000-2000 դրամով ձայն են առնում».Արթուր Միսակյան.Տեսանյութ

«Մինչ ընտրատեղամաս հասնելն էին ամեն ինչ անում։ Հաշվի առնելով նախորդ ընտրությունների պրակտիկան ու փորձը, առաջիկա ՏԻՄ ընտրություններին պետք է փորձենք մեր հասարակությանը հորդորել՝ քվեարկել խղճով ու համոզմունքով։ Հասարակությունը պետք է կատարի քվեարկություն՝ խղճով ու համոզմունքով, այլ ոչ թե՝ փողով ու պարտադրանքով»,-այս  մասին Հայելի  ակումբում  ասաց  «Հայկական վերածնունդ» կուսակցության կառավարման խորհրդի նախագահ Արթուր Միսակյանն՝  անդրադառնալով  ՏԻՄ  ընտրություներին,նշելով, որ «Հայկական վերածնունդն» ակտիվ մասնակցում է առաջիկա ՏԻՄ ընտրություններին, ունեն շուրջ 100 թեկնածու. «Ամեն ինչ արվում է, որպեսզի մարդիկ ընտրություններին չմասնակցեն:Նույնիսկ ավագանու ընտրությունն այսօր դարձել է փողով, ու գիտե՞ք՝ որքան են վճարում մեկ ձայնի համար. 1000-2000 դրամ։ Սա ազգային ողբերգություն է, երբ ավագանու թեկնածուները 1000-2000 դրամով ձայն են առնում։ Հետաքրքիրն այն է, որ դրա պահանջարկը կա։ Հասարակությունը հասել է թշվառության այն աստիճանին, որ իր համար 1000-2000 դրամն էլ է փող։ Վտանգավոր այն մտածելակերպը՝ շնից մազ պոկելն էլ է քյար, դարձել է մի քանի հարյուր հազար մարդու գործելակերպ»,-ընդգծեց  Արթուր  Միսակյանը:   Ավելի  մանրամասն՝  տեսանյութում