Ողբերգական ավտովթար Կոտայքի մարզում

Այսօր՝ սեպտեմբերի 4-ին, ողբերգական ավտովթար է տեղի ունեցել Կոտայքի մարզում: Ժամը 03:30-ի սահմաններում Երևան քաղաքի Նժդեհի փողոցի բնակիչ, 43-ամյա Գագիկ Կարապետյանը Երևան-Սևան ավտոճանապարհի 35-րդ կմ հատվածում իր վարած ВАЗ 2107 մակնիշի 34 ZD 183 համարանիշի ավտոմեքենայով բախվել է Դիլիջան քաղաքի Կալինին փողոցի բնակիչ, 41-ամյա Արթուր Ալիխանյանի վարած ЗИЛ մակնիշի 20 ԼՕ 733 համարանիշի ավտոմեքենային: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 07-ի ուղևոր, Երևան քաղաքի Արցախի փողոցի բնակիչ, 26-ամյա Արսեն Սաֆրազյանը տեղում մահացել է, իսկ Գ.Կարապետյանը մարմնական վնասվածքներով տեղափոխվել է Աբովյանի բժշկական կենտրոն: Դեպքի վայր են ժամանել Արակարգ իրավիճակների նախարարության փրկարար ծառայության Աբովյանի թիվ 45 հրշեջ-փրկարարական ջոկատը՝ 1 մարտական հաշվարկով: Մինչ փրկարարների ժամանումը վիրավորին քաղաքացիներն են օգնություն ցուցաբերել, ով էլ օպերատիվորեն ժամանած շտապօգնության մեքենայով տեղափոխվել է հիվանդանոց: Դեպքի վայր են ժամանել նաև ճանապարհային ոստիկանության 2-րրդ սպայական 3-րդ վաշտի 1-ին դասակի աշխատակիցները՝ վաշտի հրամանատարի տեղակալ Երվանդ Ալեքսանյանի, դասակի հրամանատար Հրանտ Գալստյանի գլխավորությամբ: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից դեպքի վայր են ժամանել հատկապես կարևոր գործերով քննիչ Էդգար Բալոյանը և ավագ փորձագետ Արթուր Մելիքյանը: Փաստի առթիվ Է. Բալոյանի կողնից հարուցվել է քրեական գործ՝ ՀՀ քր օր.-ի 242 հոդվածի, 2-րդ մասի հատկանիշով: Գ, Շամշյանի տեղեկություններով՝ մահացած Գ. Կարապետյանը աշխատում էր «Գրանդ Քենդի» ՍՊԸ-ում, իսկ ЗИЛ-ը բարձված է եղել վառելափայտով: 07-ի հարվածն այնքան ուժգին է եղել ЗИЛ-ին, որ 07-ը դուրս է եկել երթևեկելի գոտուց և հայտնվել բարձունքում: