«Արցախի հարցի լուծման համար հրաշալի տարբերակ կա».Մերուժան Տեր-Գուլանյան.Տեսանյութ

«25  տարին  Արցախի  համար   հրաշալի  տարիք  է:Բանակում ծառայել ես, համալսարանն ավարտել, հիմա մտնում ես կյանք, պետք է աշխատես, կարողանաս դրսևորվել։ Արցախն ու Հայաստանը 25 տարի է՝ անկախ են, ու լավագույն տարիքն է կայացման համար։ Ղարաբաղը պայքարեց, հաղթեց, մենք ամբողջ ժողովրդով հաղթեցինք, չնվաճեցինք ուրիշի հողը, այլ ազատագրեցինք մերը, սակայն որևէ էական գիրք չի ստեղծվել Ղարաբաղի մասին։ Կան նկարագրական գործեր, ինչ-որ պատմություններ են պատմում, որոնց մեծ մասը հորինված են, պատմողը կենտրոնում իրեն է դնում, այլ ոչ Արցախը։ Արժևորված չէ Ղարաբաղի էությունը»,-այս  մասին  Հայելի  ակումբում ասաց   գրող,հրապարակախոս  Մերուժան  Տեր-Գուլանյանը:Գրողի  համոզմամբ  Արցախի  հարցի  լուծման  համար  հրաշալի  տարբերակ կա. եթե  Արցախի  բնակչության  թիվը  500.000-ի  հասնի, ապա  խնդիրը  հեշտությամբ  կլուծվի: Հրապարակախոսը մտահոգություն հայտնեց՝  Ղարաբաղը պայքարեց, հաղթեց, սակայն մինչև այսօր ըստ էության որևէ էական գիրք չի ստեղծվել Ղարաբաղի մասին. «Կան, բայց հիմնականում նկարագրական են, ինչ-ինչ պատմություններ են պատմում,որտեղ հեղինակի շուրջ է ամեն ինչ պտտվում՝ բացառությամբ Խեչոյանի պատմվածքները»,-նշեց   գրողը:     Ավելի  մանրամասն՝  տեսանյութում