«Լրագրող Սիրանույշ Պապյանն ընդդեմ Վլադիմիր Գասպարյանի» գործով դատական նիստն՝ այսօր. «Հրապարակ»
«Հրապարակ»-ը գրում է. «Այսօր Կենտրոն եւ Նորք-Մարաշ դատարանում տեղի կունենա «Լրագրող Սիրանույշ Պապյանն ընդդեմ Վլադիմիր Գասպարյանի» գործով դատական նիստը։ Առաջին նիստը նշանակված էր հուլիսի 26-ին, սակայն հետաձգվեց հայցվորի միջնորդությամբ. կողմի ներկայացուցիչ, փաստաբան Դավիթ Ասատրյանը միջնորդություն էր ներկայացրել դատարանին` հայցի առարկան լրացնելու համար: Սիրանույշ Պապյանը որոշել է չմասնակցել նիստերին: Այս գործով զբաղվում է նաեւ Խոսքի ազատության պաշտպանության կոմիտեն: Հիշեցնենք, որ ապրիլի 24-ին Ծիծեռնակաբերդում 1in. am-ի լրագրող Սիրանույշ Պապյանի դիտարկմանը, թե մենք չենք տեսնում ձեր բարեփոխումները, ոստիկանապետը պատասխանել էր. «Ես էլ քո մեջ կին չեմ տեսնում»։ Լրագրողը դիմել է դատարան՝ պատվին եւ արժանապատվությանը պատճառված վնասի հատուցման, հրապարակայնորեն ներողություն խնդրելու պահանջով»:
Հետևեք մեզ Viber-ում
