«ՀՀ ցիկլոն է գալիս սառը հոսանքներով». Սուրենյան

Հայհիդրոմետի օդերեւութաբանության կենտրոնի պետի տեղակալ Գագիկ Սուրենյանն այսօր տեղեկացրեց, որ սեպտեմբերի 1-3-ը հանրապետության շրջանների զգալի մասում, 4-5-ին հյուսիսային շրջաններում երեկոյան ժամերին սպասվում է կարճատեւ անձրեւ ու ամպրոպ: Սպասվում է ջերմաստիճանի անկում, գիշերը՝ մինչեւ 8-10 աստիճան, որը եւս մոտ է վերջին տարիների միջին ցուցանիշին: Սեպտեմբերի ընթացքում տեղումները կլինեն նորմայի սահմաններում: «Հենց այսօր երեկոյան ժամերից ցիկլոն է գալիս՝ սառը օդային հոսանքներով: Սեպտեմբերի մեկից մինչեւ հինգը գտնվելու ենք ցիկլոնի ազդեցության տակ, մարզերում կարճատեւ անձրեւներ եւ ամպրոպներ են սպասվում:  Ջերմաստիճանը հինգից յոթ աստիճանով կնվազի»,- տեղեկացրեց նա: