Ավտովթար Տավուշի մարզում

Երեկ` օգոստոսի 25-ին, ավտովթար է տեղի ունեցել Տավուշի մարզում: Ժամը 11:30-ի սահմաններում Իջևան-Նոյեմբերյան ճանապարհահատվածի 40-րդ կմ հատվածում Նոյեմբերյան քաղաքի բնակիչ, 46-ամյա Սարգիս Հակոբյանը իր վարած УАЗ 31512 մակնիշի 35 AV 091 համարանիշի ավտոմեքենայով, որը բարձված է եղել վառելափայտով, կողաշրջվել է: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Ս. Հակոբյանին քաղաքացիների օգնությամբ դուրս են բերել մեքենայից և օպերատիվորեն ժամանած շտապօգնության ավտոմեքենայով տեղափոխել Նոյեմբերյանի բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի 2-րդ դասակի տեսուչները: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Տավուշի մարզային քննչական վարչության Նոյեմբերյանի քննչական բաժին, որտեղից ժամանել է ավագ քննիչ Արտակ Մամյանը, ում կողմից փաստի առթիվ նյութեր են նախապատրաստվում: Ֆոտոլրագրողը հայտնում է, որ, ըստ նախնական տեղեկությունների, վթարի պատճառը եղել է մեքենայի անսարքությունը, որն առաջացել է ընթացքի ժամանակ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: