«Միամտություն է կարծել՝ Պերմյակովը Հայաստանում պատիժը կկրի».Իրավապաշտպան.տեսանյութ

«Միամտություն  կլինի  կարծել, որ  Պերմյակովը  Հայաստանում  պատիժը   կկրի: Պերմյակովն ի սկզբանե հանձնված չի եղել ՀՀ-ին, հանրության մոտ թյուր կարծիք կա, որ եթե Հայաստանի դատարանն է քննել Պերմյակովի գործը, ուրեմն նա հաձնված է ՀՀ-ին: Բայց մենք ընդամենը հնարավորություն ենք ստացել, որ գործը ՀՀ դատարանը քննի»,-այս  մասին  լրագրողների հետ  հանդիպման  ժամանակ   ասաց  Ավետիսյանների իրավահաջորդի ներկայացուցիչ-փաստաբան  Լուսինե  Սահակյանը: Վերջինս  նշեց, որ   դժգոհ են  դատական ակտից այնքանով, որ կարծում են՝   այս դատավարության հիմնական նպատակը պետք է լիներ այն, որ հետագա հնարավոր հանցագործությունները հնարավորինս բացառվեին: «Գիտենք, որ ՌԴ զինվորների կողմից բազմաթիվ հանցագործություններ են կատարվել, այս գործի քննության  ընթացքում պարզ դարձավ, թե ինչպես են ընտրվում ռուս զինվորները, որոնք ուղարկվում են ՀՀ»,-ընդգծեց  իրավապաշտպանը:   Ավելի  մանրամասն՝  տեսանյութում