Վարուժան Ավետիսյանի խափանման միջոցը մնաց անփոփոխ
Դատարանը մերժեց «Սասնա ծռեր» խմբի անդամներ Վարուժան Ավետիսյանի և Արեգ Կյուրեղյանի խափանման միջոց կալանքը վերացնելու վերաբերյալ՝ նրանց պաշտպանի բողոքը:
Վերջիններիս պաշտպան Մուշեղ Շուշանյանը լրագրողների հետ զրույցում ասաց, որ այս որոշումը քաղաքական է:
«Ես առաջարկել եմ նաև, որ գրավի դիմաց ազատ արձակեն իմ պաշտպանյալներին, սական դատարանը անընդհատ հարցնում էր, թե ո՞վ է վճարելու այդ գրավը՝ հիմնավորելով, թե իմ պաշտպանյալների ընտանիքները սոցիալապես վատ պայմաններում են ապրում: Ես պատասխանել եմ, որ այդ գրավը կմուծի հայ ժողովուրդը. ինչպես նաև փաստաբանները»,- ասաց Մ.Շուշանյանը:
Նա տեղեկացրեց, որ պատրաստվում է վճառաբեկ բողոք ներկայացնել:
Հետևեք մեզ Viber-ում
