Նիկոլ Փաշինյանը պատվե՞ր է կատարում
«Ժառանգություն» կուսակցության փոխնախագահ Արմեն Մարտիրոսյանը հայտարարեց, որ ինքը բացառապես քաղաքական գործունեությամբ է զբաղվել: «Ես ասել եմ այն ինչ մտածել եմ և եչ թե ասել եմ այն ինչի համար գումար են տվել, կամ անցնելով մեկի կողմը քննադատել եմ մյուսին: Ես բացառապես քաղաքական և մանկավարժական գործունեությամբ եմ զբաղվել: Ես բիզնեսով երբևիցե չեմ զբաղվել»,-ասյօր հրավիրված մամուլի ասուլիսի ժամանակ հայտարարեց «Ժառանգություն» կուսակցության փոխնախագահ Արմեն Մարտիրոսյանը` ավելացնելով, որ 2009 թվականին ևս «Հայկական ժամանակ» օրաթերթը նման խոսակցություններ է տարածել, որոնք չեն համապատասխանել իրականությանը: «Ժառանգություն» կուսակցության փոխնախագահն ասաց, որ իրեն ձերբակալելուց հետո իր համար անթույլատրելի էր պատգամավոր Նիկոլ Փաշինյանի գնահատականը: Անդրադառնալով Նիկոլ Փաշինյանի հարցադրումներին՝ Արմեն Մարտիրոսյանն ասաց. «Ես երբեք ինձ թույլ չեմ տվել որևէ կալանավորվածի հետ կապված հարցադրումներ հնչեցնել, որքան էլ հիմնավոր լինեն, բայց այս պարագայում ինքը, ցավոք, իմ մասին խոսքեր ասաց, որոնք ոստիկանության ներկայացուցիչներ էին ցուցմունքներում գրել»: Լրագրողի ճշտող հարցին, արդյոք Նիկոլ Փաշինյանը պատվեր է կատարում` Արմեն Մարտիրոսյանն արձագանքեց. «Ես դա չգիտեմ, դա կարող եք իրենից ճշտել»:
Հետևեք մեզ Viber-ում
