Ուշադրություն. Կազատվեն մաքսերից

200 եվրոյից պակաս արժողությամբ ներմուծվող ապրանքների խմբաքանակները Հայաստանում կազատվեն մաքսերից: Այս մասին համապատասխան որոշումն ընդունվել է օգոստոսի 18-ին Կառավարության նիստում: ՀՀ էկոնոմիկայի նախարարության պատրաստած որոշման հիմնավորման մեջ ասվում է, որ նման արժեքով բեռների դեպքում մաքսատուրքերը կարող են համարժեք լինել կամ անգամ գերազանցել ապրանքի արժեքը: Այդպես՝ մաքսային ձեւակերպման արժեքը 3.5 հազար դրամ է, մինչեւ 1 տոննա բեռի ինսպեկցիան՝ 1000 դրամ ամեն ապրանքատեսակի համար: Մաքսային մատակարարի ծառայությունները՝ 10-15 հազար դրամ: Նշենք, որ այս արտոնության նպատակը փոքր բիզնեսին աջակցելն է: