Մեղավորը դիվանագիտական համարանիշներով մեքենան է եղել. «Կոկա-Կոլա»-ի ավտոմեքենայի վարորդ
Քիչ առաջ ավտովթար է տեղի ունեցել Երևաում: 32-ամյա Գագիկ Հարությունյանը Սարալանջի նորակառույց ճանապարհին իր վարած Mitsubishi մակնիշի 723 ԼՏ 61 համարանիշի ավտոմեքենայով բախվել է ճանապարհի բետոնե հատվածին և կողաշրջվել: Ինչպես դեպքի վայրից հայտնում է ֆտոոլրագրող Գագիկ Շամշյանը, ըստ նախնական տեղեկությունների` վթարի հետևանքով, բարեբախտաբար, զոհեր և վիրավորներ չկան: Այս պահին դեպքի վայր են ժամանել ճանապարհային ոստիկանության 1-ին սպայական գումարտակի ծառայողները: Mitsubishi-ի վարորդը պնդում էր, որ դիվանագիտական համարանիշներով ինչ-որ ավտոմեքենա վթարային իրավիճակ է է ստեղծել իր համար, ինչի պատճառով էլ տեղի է ունեցել վթարը, իսկ դիվանագիտական համարանիշներով ավտոմեքենայի վարորդը դիմել է փախուստի: Գ. Շամշյանի տեղեկություններով` Mitsubishi-ն պատկանում է «Կոկա-Կոլա» ընկերությանը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
