«Արթիկի բնակիչը հայտարարել է,որ տրցակով ոսկի է կորցրել».Քաղաքապետ.տեսանյութ

«Բոլոր տուժածների բնակարաններում եղել եմ, վստահեցնում եմ, որ հատկացած օգնությունը բավարար է, որ տները վերանորոգվեն ու լինեն այն վիճակի, ինչ մինչ հեղեղն էր: Բանն այն է, որ երբեմն  այնպիսի աբսուրդ պահանջներ են ներկայացնում: Օրինակ՝ բնակիչներից մեկը հայտարարել էր, որ տրցակով ոսկեղեն է կորցրել»,-այս  մասին լրագրողների  հետ  հանդիպման ժամանակ  ասաց  Արթիկի քաղաքապետ Արսեն Աբրահամյանը՝ նշելով,որ   Արթիկում տեղի ունեցած ջրհեղեղի հետեւանքով վնասներն ուսումնասիրելու հանձնաժողովի կողմից վեր են հանվել պատճառված վնասները, սակյան գումարային առումով դեռ հնարավոր չէ հաշվել: Ինչ վերաբերում է այն քաղաքացիների ահազանգին, որ ջուրը սկսել է նեխել, Արսեն Աբրահամյանը նկատեց, որ ջուրն ամբողջությամբ մաքրվել է, ուսումնասիրություններ են կատարել ինչպես ԱԻՆ-ի մասնագետները, այնպես էլ համաճարակային կենտրոնից, եւ վարակի տարածման հետ կապված որեւէ լուր չկա:   Ավելի  մանրամասն՝  տեսանյութում