Երևանում 62-ամյա վարորդը BMW X5-ով վրաերթի է ենթարկել հեծանվորդ դպրոցականին

Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Գագիկ Հարությունյանի կողմից նյութեր են նախապատրաստվում հուլիսի 3-ին Երևանում տեղի ունեցած վրաերթի փաստով: Ժամը 11:30-ի սահմաններում Երևանի բնակիչ, 62-ամյա Կարեն Բազիյանը Սարյան և Ֆրիկ փողոցների խաչմերուկում իր վարած BMW X5 մակնիշի 81 RR 881 համարանիշի ավտոմեքենայով վրաերթի է ենթարկել հեծանվորդ, Երևանի բնակիչ 15-ամյա Հարություն Խաչատրյանին: Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկված երեխային տեղափոխել Սուրբ Աստվածամայր բժշկական կենտրոն: Քննիչի հանձնարարականով վարորդ Կ. Բազիյանը ենթարկվել է բժշկական փորձաքննության. պարզվել է, որ նա գտնվել է սթափ վիճակում: Գ. Շամշյանի տեղեկություններով՝ Հ. Խաչատրյանը սովորում է Երևանի թիվ 5 հիմնական դպրոցի 10-րդ դասարանում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: © shamshyan.com http://shamshyan.com/hy/article/2016/07/05/89654/