Չենք կարող համակերպվել մենաշնորհի դեմ, որից օգտվում են GG-ն եւ Yandex-ը.տաքսիստները բողոքում են

Yandex Taxi-ի մուտքը Հայաստան արդեն իսկ մեծ դժոգոհություն է առաջացրել Հայաստանում գործունեություն ծալավող տաքսի շահագործող ընկերությունների մոտ, որոնց ներկայացուցիչներն այսօր կառավարության շենքի դիմաց բողոքի ցույց էին անցկացնում: «Մենք առաջարկում են օրենքով կարգավորել այս հարցը, մշակել օրենքի նախագիծ՝ հաշվի առնելով ոչ միայն տաքսու վարորդների, այլեւ ժողովրդի կարծիքը։ Տարիներ առաջ, հաշվի առնելով, որ վարորդները սոցիալապես ծանր վիճակում են, ընդառաջ գնացինք նրանց, սակայն արդյունքում տուժեց ժողովուրդը։ Մենք հաշվի ենք առնում վարորդների կարծիքը, բողոքները, սակայն երբեք չենք լսում, թե ինչ է ուզում ժողովուրդը։ Ես որ ժողովրդի հետ խոսում եմ, շատ վարորդներ ընդհանրապես խոսելու, բողոքելու տեղ չունեն։ Սփյուռքահայը կամ զբոսաշրջիկն ի՞նչ մեղք ունի, երբ գալիս ու տեսնում է անորակ տաքսի։ Բացի այդ, շատացել են խաբեբաները։ Դրա դեմն առնել է պետք։ Օդանավակայանից մինչեւ այստեղ տարբեր գներ են ասում։ Մարդը հրապարակից նստում է, որ գնա Սայաթ-Նովա, տանում են սկզբում Էրեբունի, հետո նոր այդ փողոց»,-նշեց տրանսպորտի եւ կապի նախարար Գագիկ Բեգլարյանը։ Վարորդները  համաձայն էին նախարարի հետ՝ նշելով, որ իրենք հասկանում են, որ անպատասխանատու վարորդների պատճառով արատավորվում է տաքսիստների համբավը, բայց եւ չեն կարող համակերպվել մենաշնորհի դեմ, որից, ըստ նրանց, օգտվում են GG-ն եւ Yandex-ը։ Այս առումով Գագիկ Բեգլարյանը հավաստիացրեց, որ պահանջ են դնելու այդ ընկերությունների առաջ, որպեսզի պայմանագիր կնքեն միայն լիցենզիա ունեցող վարորդների հետ։ «Մենք դա 100 տոկոսով կապահովենք։ Եթե նրանք չեն ապահովի այդ պահանջը, օրենքով պատասխան կտան։ Պատրաստ ենք 24 ժամ քննարկել ձեզ հետ բոլոր խնդիրները»,-ասաց նախարարը: