«Ժողովուրդ». Երբեմնի սուպերնախարար Գագիկ Խաչատրյանի նիստերը չեն կայանում. Ո՞րն է պատճառը

«Ժողովուրդ» օրաթերթը գրում է. «ՀՀ երբեմնի սուպերնախարար Գագիկ Խաչատրյանը, ով 2019 թվականից քրեական հետապնդման է ենթարկվում, մեղադրվում է պաշտոնեական դիրքի չարաշահման և խոշոր չափերի գումարի վատնման համար, որդիները՝ փողերի լվացման, եղբորորդին՝ վատնման համար և այսպես շարունակ:

«Ժողովուրդ» օրաթերթը, ուսումնասիրելով Խաչատրյանների նկատմամբ ներկայացված մեղդրանքները, արձանագրեց, որ այս տարի՝ 2026 թվականին դեռևս որևէ դատական նիստ չի կայացել: Բանն այն է, որ դատարանը թուլատրել է Գագիկ Խաչատրյանին մեկնել արտերկիր՝ բուժման նպատակով, սակայն ՀՀ քննչական կոմիտեն նրան թույլ չի տալիս լքել երկիրը:

Այսպիսով, նիստերը դեռ կշարունակեն չկայանալ, քանի որ նա միայն բուժումից հետո ի վիճակի կլինի ներկայանալ նիստերին: Իսկ բուժումն էլ արտերկրում արգելված է, ուստի ստացվում է, որ այս գործընթացը երկար կշարունակվի: Ասել է թե՝ Գագիկ Խաչատրյանին Նիկոլ Փաշինյանը 2019-ից դատում է ու դատում, բայց դեռ չի կարողանում: Արդեն 7 տարի է անցել»։

Առավել մանրամասն թերթի այսօրվա համարում