Դարձել ենք Ռուսաստանի արբանյակը. Զարուհի Փոստանջյան
ԱԺ արտահերթ նիստում Հայաստանի և Ռուսաստանի միջև միավորված հակաօդային պաշտպանության համակարգի տեղծման մասին համաձայնագրի քննարկման ժամանակ «Ժառանգություն» խմբակցության ղեկավար Զարուհի Փոստանջյանը հայտարարեց . «Հայաստանն ինքնուրույն քաղաքականություն չի իրականացնում, եթե ինքնուրույն լինեինք, նախքան այս համաձայնագրի խորհրդարան գալը մենք արդեն ստացած կլինեինք 200 մլն դոլարի ռուսական զենքը»: Պարզվում է՝ զենքի մատակարարման վերաբերյալ ուղղակի 80 տոկոս փաստաթղթեր կան, բայց թե դրանք երբ կվերածվեն սպառազինության ստացմանը, պարզ չէ,հայտարարեց նա և հարցադրում արեց՝ ապրիլյան պատերազմից հետո ի՞նչ գործընթաց է սկսվել միջազգային ատյանում՝ պատասխանատվության կանչելու թե Ռուսաստանին, թե Ադրբեջանին՝ մի կողմին՝ որպես հարձակվողական զենք վաճառողի, մյուսին՝ կիրառողի:«Եթե հայտարարեիք, որ այս համաձայնագիրը չենք վավերացնում, մինչև այդ հարցերին լուծում չտրվի, այդ ժամանակ հասկանալի կլիներ, որ մենք բանեցնում ենք անկախ քաղաքականություն: Մենք ըստ էության դարձել ենք Ռուսաստանի արբանյակը: Հիմա որ ամպարգորգոռ գոռում եք՝ այդ ուղղաթիռները կթռցնենք և այլն, դուք ո՞վ եք, ո՞վ է ձեզ թույլ տալու դա: Դուք ուղղակի արբանյակ եք, ձեր ղեկավարությանը կանչում են ՌԴ, այնտեղից հայտարարություններ են անում»,- ասաց Փոստանջյանը:
Հետևեք մեզ Viber-ում
