Երկու տոն ցածր խոսեք. Նաղդալյան
ԱԺ արտահերթ նիստի ժամանակ պատգամավորներն այսօր քննարկում են ՀՕՊ նախագիծը :Արտահերթ ելույթի իր իրավունքից օգտվելով` Հերմինե Նաղդալյանս խոսեց պայմանագրի օգտավետությունից: «Խնդրում եմ բոլորիս, երկու տոն ցածր խոսել: Սեփական առողջության պահպանման համար եմ նաև սա ասում։ Կարծում եմ, որ իսկապես թեմաներ կան, որոնք ավելի լռակացություն են պահանջում, քան թե այսքան բարձրագոչություն: Իմ գործընկերներից մեկը հարց տվեց՝ արդյո՞ք ամեն ինչ արված է, որ հասարակությունը հստակ պատասխաններ ստանա: Ուզում եմ ասել, որ, իհարկե, բաց հասարկությունը շատ կարևոր հասարակություն է` ժողովրդավարական երկրի իմաստով: Եվ մենք էլ ամեն ինչ արել ու անում ենք ունենալու համար բաց ու թափանցիկ հասարակություն: Բայց բաց հասարակությունը հո մերկ հասարակությո՞ւնը չի: Եկեք հասկանանք, թե որտեղ է այն սահմանը, որտեղից հետո արժի, որ խոսակցությունը լինի ավելի ցածր տոնով։ Անվտանգության մասին խոսելով` եկեք գոնե վնաս չտանք օգուտի փոխարեն։ Մարդիկ մասնագիտական լուրջ փորձառություն ունեն։ Կարծում եմ` բոլորովին պատահական չէ այն ռեմարկները, որ անում է պարոն Ջհանգիրյանը, քանի որ ոլորտի գիտակներից է։ Ուզում եմ նաև ընդգծել, սա այն հարցը չէ, որ պետք է PR-ով զբաղվել, թեև բոլոր քաղաքական գործիչներն էլ ունեն իրենց PR անելու խնդիր»,- նշեց ԱԺ փոխխոսնակը:
Հետևեք մեզ Viber-ում
