Շարմազանովը՝ Սերժ Սարգսյանի «առաջիկա պաշտոնի» մասին
«Ռոյթերզին» տված հարցազրույցում ՀՀ նախագահ Ս. Սարգսյանն ընդգծել է, թե Հանրապետականի պարտության դեպքում քաղաքականության մեջ անելիք այլևս չի ունենա, ապա՝ բացառում դրա հնարավորությունը։Անդրադառնալով հարցազրույցին,ԱԺ փոխնախագահ Էդուարդ Շարմազանովն ասաց,որ շատ նորմալ է ընդունում ՀՀ նախագահ Սերժ Սարգսյանի՝ երեկ գործակալությանը տված հարցազրույցում արտահայտած մտքերը: «Ցանկացած կուսակցության նախագահ, այն էլ՝ իշխող կուսակցության նախագահ, այն էլ՝ ամենաազդեցիկ ուժի նախագահը, բնականաբար, պետք է իր կարծիքն արտահայտելու իրավունքն ունենա:Այդ կարծիքն օբյեկտիվ է, կարող է՝ փոքրամասնությանը դուր գա կամ չգա, բայց փաստ է, որ այսօր ՀՀ-ի ամենաազդեցիկ քաղաքական ուժը շարունակում է մնալ ՀՀԿ-ն: Բարձր բղավելով չի կուսակցության ռեյտինգը որոշվում: Այդ առումով նախագահի խոսքը տրամաբանական էր, օբյեկտիվ էր, ընդունելի էր»,-հայտարարեց նա: Հարցին, թե՝ ո՞ր պաշտոնում եք տեսնում Սերժ Սարգսյանին հետագայում, Է. Շարմազանովն այսպես պատասխանեց. «ՀՀ նախագահ Սերժ Սարգսյանը մինչև 2018 թվականն իր ամբողջ լիազորություններով լինելու է ՀՀ նախագահը, և բերեք դանդաղ շտապենք, կոռեկտ չի, որ ես այսօր խոսեմ նման հարցերի մասին»: Իսկ եթե նախագահն ասում է, որ չհաղթելու դեպքում իրեն չի տեսնում քաղաքականության մեջ, նշանակում է՝ հաղթելու դեպքում տեսնում է, ի՞նչ ֆորմատով է տեսնում, Շարմազանովը հորդորեց դանդաղ շտապել.«Նույն Շարլ դե Գոլը, երբ իր առաջարկած սահմանադրական բարեփոխումները չանցան, հրաժարական տվեց, և պարոն նախագահի ասածը քաղաքագիտական իմաստով շատ ճիշտ է»:
Հետևեք մեզ Viber-ում
