Ի՞նչ ենք ասելու բոլոր դարերում մեր սերունդների հպարտության համար գեթ կես առիթ չթողած իդիոտ պապերս

Մեկն ուրախանում է, որ Էրդողանը Պուտինից ներողություն խնդրեց (տեսար, չէ՞, բա ոնց), մյուսը Պուտինին է ասում թշնամի, էն մյուսը սաղին է ասում, որ թշնամի են… Ու էդպես՝ բոլոր դարերում։ Բայց չենք մտածո՞ւմ, որ մի գեղեցիկ օր մեր թոռները մեզ հարցնելու են,- - Այ իդիոտ պապեր,- կասեն,- սաղ թշնամի են ձեզ, ամբողջ հայոց պատմության մեջ՝ բոլոր հարեւանների հասցեին ասել եք, որ սրանք ուզում են մեզ տիրեն, լավը չեն, թշնամի են ու ազգովին հելել եք դեմները ու կոտորվել… - Ինչի՞ միայն կոտորվել, 1-2 անգամ էլ հաղթել ենք,- կասենք մենք, իդիոտ պապերս։ - Допустим,- կասեն թոռները,- բայց էս ամբողջ պատմության մեջ գոնե մի դեպք չկա, որ որեւէ հայ թագավոր, գործիչ կամ զորավար՝ գնար ու մեկի հետ մի հատ լեզու գտներ, բանակցեր, տեսներ ի՞նչ են ուզում էդ մարդիկ։ Բա դրա համար էլ կոտորվել ենք, կոտորվում եք ու պիտի կոտորվենք։ Այ էստեղ ի՞նչ ենք ասելու, մենք, բոլոր դարերում մեր սերունդների հպարտության համար գեթ կես առիթ չթողած իդիոտ պապերս։ Վահրամ Սահակյանի գրառումը