Հեռուստաաշտարակներին դա по барабану է.... Տիգրան Հակոբյանը պատասխանում է

Աղաս ջան – 2
Աղաս ջան, տեսնում եմ, որ մտահոգված ես Հեռուստատեսության եւ ռադիոյի մասին նոր օրենքի նախագծով: Կիսում ենք քո որոշ մատհոգությունները, ուշադիր հետեւում ենք քո ելույթներին:
Ասուլիսներիցդ մեկի ժամանակ ասել էիր, որ մասնավոր թվային ցանց (մուլտիպլեքս) ստեղծելու համար պետք է ներդրվի <<շուրջ 100 մլն դոլար>>, իսկ <<այս հեռուստաաշտարակի կողքը պետք է եւս 2-3 հեռուստաաշտարակներ կառուցեն, որ դրանով մասնավոր ալիքներ սփռեն>>:
Քո այս պնդումները մի քիչ զարմացրեցին այս ոլորտի մասնագետներին, քանի որ պետական թվային մուլտիպլեքսը 4 տարի առաջ կառուցվել էր 18 մլն. դոլարով, իսկ այսօր 1.գները էականորեն նվազել են, 2.մասնավոր ներդրողն ավելի էժան է կառուցում եւ առանց կոռուպցիոն ռիսկերի: Ուստի, որտեցի՞ց է ծնվել այս 100 մլն.: Մի գուցե, ինչ որ բա՞ն է փոխվել, որի մասին մենք չգիտենք: Մենք նաեւ տխրեցինք 2-3 նոր հեռուստաաշտարակ կառուցելու հեռանկարից, դա այսօր անհնարին է: Բայց հետո կապնվեցինք Վրաստանի գործընկերների հետ, եւ մեր հարցադրումով ինքներս մեզ անհարմար վիճակի մեջ դրեցինք: Վրաստանում գործում է երեք թվային հանրապետական մուլտիպլեքս, բայց ոչ մի նոր աշտարակ չի կառուցվել, քանի որ դրա անհրաժեշտությունը չկա եւ չի կարող լինել: Բայց կարող է Հայաստանի կլիման կամ այլ գործոններ՞ն են պարտադրում հավելյալ 2-3 աշտարակ կառուցել… Չենք հասկանում:
Եթե դժվար չի, լուսավորի մեզ, մասնավոր հեռարձակման գրագետ հայեցակարգ մշակելու համար:
Հուսով եմ, բարեկամ, որ այս անգամ չես անտեսի իմ խնդրանքը ու չես հիշացնի իմ ծառայամիտ անցյալը: Հեռուստաաշտարակներին դա по барабану է...

Գրել է Տիգրան Հակոբյանը