Նոր մանրամասներ Փաշինյանի եւ պատգամավորների հանդիպումից

Երեկ արտահերթ խորհրդարանական ընտրությունների անցկացման հարցով վարչապետ Նիկոլ Փաշինյանը մի քանի ժամ հանդիպում ունեցավ պատգամավորների հետ, որից հետո հայտարարեց, որ ոչ կարող է ասել բանակցություններն արդյունք տվել են, ոչ կարող է ասել, որ չեն տվել։ Մեր տեղեկություններով` հանդիպման ընթացքում Նիկոլ Փաշինյանն անընդհատ կրկնել է, որ արտահերթ ընտրությունները պետք է լինեն դեկտեմբերին, որ ինքն այդպես է ուզում ու չի եկել բանակցելու, այլ եկել է իրազեկելու։ Արփինե Հովհաննիսյանն է հարձակվել՝ ասելով, որ իրենց «լայվերի» ու հարցազրույցների տակ վիրավորական քոմենթներ կան, Փաշինյանն էլ մատնացույց է արել իր «լայվերը»՝ ասելով, որ դրանց տակ էլ իրեն են վիրավորում։ Նաիրա Զոհրաբյանն առաջարկել է հուշագիր ստորագրել, ամրագրել ժամկետներ արտահերթի հետ կապված, բայց ոչ թե դեկտեմբերին, այլ ավելի ուշ, Փաշինյանը չի համաձայնել։ Արմեն Ռուստամյանը եզրակացրել է, փաստորեն եկել եք ուժի իրավունքով մեզ հետ խոսել, ոչ թե իրավունքի ուժով, Փաշինյանը դրական է արձագանքել։