Խորհրդարանում ընթանում է ԱԺ-Կառավարություն հարցուպատասխանը

Ազգային ժողովում մեկնարկել է Կառավարության հետ հարցուպատասխանը: Կառավարությունը նիստին ներկայացել է թերի կազմով, քանի որ նախօրեին վարչապետ Նիկոլ Փաշինյանի գրությամբ աշխատանքից ազատվել են Կառավարության ՀՅԴ-ական և ԲՀԿ–ական անդամները՝ նախարարներն ու մարզպետները։ Աշխատանքից, մասնավորապես, ազատվել են տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը (ԲՀԿ), սպորտի և երիտասարդության հարցերի նախարար Լևոն Վահրադյանը (ԲՀԿ), արտակարգ իրավիճակների նախարար Հրաչյա Ռոստոմյանը (ԲՀԿ), էներգետիկ ենթակառուցվածքների և բնական պաշարների նախարար Արթուր Գրիգորյանը (ԲՀԿ), գյուղատնտեսության նախարար Արթուր Խաչատրյանը (ՀՅԴ) և տնտեսական զարգացման և ներդրումների նախարար Արծվիկ Մինասյանը (ՀՅԴ)։