Նրանք ուղիղ պատերազմ են հայտարարում սեփական ժողովրդին. Փաշինյան

Վարչապետ Նիկոլ Փաշինյանը, խորհրդարանի բակում խոսելով ԱԺ խմբակցությունների հետ բանակցությունների մասին, նշել է. «Ըստ էության կարող ենք արձանագրել, որ այսօր լուծեցինք հետևյալ քաղաքական խնդիրը: Մենք ցույց տվեցինք, որ հենց այսօր Հայաստանում խորհրդարանական ընտրությունները անցկացնելը համազգային, համաժողովրդական պահանջ է, և այն քաղաքական ուժերը, որոնք դեմ կգնան այդ պահանջին, նրանք ուղիղ պատերազմ են հայտարարում սեփական ժողովրդին: Իմ տպավորությամբ, այդ ուղերձը ՀՀԿ, Ծառուկյան դաշինք, ՀՅԴ խմբակցությունների մեր գործընկերների կողմից ընկալված է: Այսօր այդ խնդիրը լուծել ենք, բայց որևէ գրավոր ու բանավոր վերջնական պայմանավորվածություն չկա: Նրանք միայն ասել են, որ այս պայմաններում չեն պատրաստվում վարչապետի թեկնածու առաջադրել: Շփումները կշարունակվեն: Մենք ասել են, որ չի կարող լինել խոսակցություն, որը հակառակ կլինի ժողովրդի կամքին: Դա բացառված է: Արտահերթ ընտրությունները պետք է կայանան հնարավորինս ամենակարճ ժամկետում»: