Նիկոլ Փաշինյան. «Եթե որեւէ մեկը բռնության կոչ կանի, ուրեմն սադրիչ է»
ՀՀ վարչապետ Նիկոլ Փաշինյանի կոչով ժողովուրդը հավաքվել է ԱԺ շենքի մոտ: Նիկոլ Փաշինյանը ասաց, որ մի քանի րոպեով կմտնի Բաղրամյան 26 ու մի քանի րոպեից հետ կգա, որովհետեւ այնտեղ մի փոքր գործ ունի: Նա խնդրեց որեւէ սադրանք, բռնություն եւ կարգի խախտում չլինի: «Եթե որեւէ մեկը բռնության եւ անկարգության կոչ կանի, ուրեմն սադրիչ է»,-ասաց Նիկոլ Փաշինյանը: Ազգայի ժողովը երեկոյան կայացած արտահերթ նիստում ձեռքով քվեարկությամբ՝ 67 կողմ ձայներով, ընդունեց փոփոխությունները խորհրդարանի կանոնակարգ օրենքում: Խորհրդարանական երեք ուժերի՝ Հանրապետականի, ՀՅ Դաշնակցության ու «Ծառուկյան» դաշինքի առաջարկած փոփոխությունների համաձայն, մասնավորապես, Ազգային ժողովի նիստը ոչ թե կհամարվի չկայացած, այլ՝ ընդհատված, եթե որևէ հարցի քննարկում տեղի չունենա, օրինակ՝ արտակարգ իրավիճակի պատճառով, կամ խոչընդոտվի պատգամավորների մասնակցությունը նիստին:
Հետևեք մեզ Viber-ում
