Ֆրանկոֆոնիայի գագաթնաժողովի գալա համերգի եզրափակիչ մասը նվիրված կլինի Ազնավուրին
«Ֆրանկոֆոնիայի միջազգային կազմակերպության գագաթնաժողովի շրջանակներում գալա համերգի եզրափակիչ մասը նվիրված կլինի Շառլ Ազնավուրին։ Ամբողջ ազգն է սգում»,– մամուլի ասուլիսին հայտնեց ՀՀ ԱԳՆ գլխավոր քարտուղար, գագաթնաժողովի անցկացման հարցերով աշխատանքային խմբի ղեկավար Վահան Մելիքյանը։
Գագաթնաժողովի շրջանակներում Հանրապետության հրապարակում հոկտեմբերի 11-ին նախատեսված է գալա համերգ անցկացնել. «Համերգը կոնցեպտուալ նոր լուծումներ է ստացել՝ հին Հայաստանից մինչեւ մեր օրեր։ Այն 3 մասից բաղկացած կլինի։ Վերջին հատվածը նվիրված կլինի Շառլ Ազնավուրին։ Նախատեսվում էր, որ մաեստրոն եւս պետք է ներկա լիներ համերգին։ Մենք կպահպանենք այդ հատվածը եւ ավելի մեծ շեշտադրությամբ կնվիրենք Ազնավուրին»,–հայտնեց Մելիքյանը։
Հետևեք մեզ Viber-ում
