Ազնավուրը հեռացավ, Ֆրանկոֆոնիան սգում է. Միկայել Ժան

Աշխարհի այս հայը եղավ ֆրանսերենի, արժեքների ու հատկապես ազատության լավագույն դեսպաններից մեկը: Ֆրանկոֆոնիայի միջազգային կազմակերպության գլխավոր քարտուղար Միկայել Ժանը ցավակցական ուղերձ է հղել: «Անսահման տխրությամբ իմացանք Շառլ Ազնավուրի մահվան գույժը՝ հոկտեմբերի մեկին, 94 տարեկան հասակում, մինչդեռ ողջ Ֆրանկոֆոնիան՝ հավաքված Երևանում՝ 17-րդ Գագաթաժողովի առիթով, պատրաստվում էր նրա հետ «Բոհեմը» երգել, ձայնակցել նրան այն հողում, որտեղ իր արմատներն են։ Աշխարհի այս հայը եղավ ֆրանսերենի, արժեքների ու հատկապես ազատության լավագույն դեսպաններից մեկը։ Ֆրանսալեզու լայն տարածքի ամեն կետում մենք կշարունակենք սիրել այդ մարդուն և իր երգերը, որ հարստություն են մարդկության համար»,- գրված է Ֆրանկոֆոնիայի միջազգային կազմակերպության հաղորդագրությունում: Իր կարիերայի ավելի քան յոթանասուն տարվա ընթացքում նա դարձավ քսաներորդ դարի լավագույն երգիչներից մեկը, և հատկապես այն ֆրանսերենի փայլուն թարգմանիչը, որ լսվում է բոլոր աշխարհամասերում, բոլոր հնչերանգներով։ Ծնված լինելով Փարիզում գաղթական հայերի ընտանիքում՝ Ազնավուրը սիրում էր երգել տարբեր լեզուներով՝ այդ կերպ արժանին մատուցելով համամարդկային մշակույթի հարուստ բազմազանությանը։ «Շառլ Ազնավուրն իրեն ամեն տեղ զգում էր, ինչպես իր կողմից վաղուց ճանաչված երկրում՝ շնորհիվ լեզվի և իր հուզիչ հումանիզմի։ Հայիթիում 2008 թ․ տեղի ունեցած երկրաշարժից հետո՝ Ազնավուրը խորին վշտակցությամբ սկսեց օգնություն ցույց տալ։ Նա արմատեր էր գցել նաև Քվեբեկում․ ես հուզիչ հուշեր ունեմ 2008 թ․-ի հուլիսի 5-ից, երբ որպես Գլխավոր կառավարիչ՝ ես նրան հանձնեցի Կանադայի Պատվո շքանշանը, երկիր, որի սրտաբացությունը, տարածքը և մարդիկ հարազատ էին նրան։ Այդ առթիվ մենք՝ նա և ես, անչափ երջանիկ էինք»,- ասված է Միկայել Ժանի ուղերձում։