Էվոլյուցիան ակնհայտ է՝ մենք գնալով ավելի ու ավելի անկախ ենք դառնում: ՀՀ արտաքին քաղաքականության գլխավոր նպատակը Հայաստանի որպես միջազգային իրավունքի ավանդական եւ ոչ ավանդական դերակատարների միջեւ կամրջող դերի ստանձնման ապահովումն է դառնում: Մյուս նպատակը, ըստ նրա, արտաքին քաղաքական ասպարեզում ցեղասպանության հետեւանքների հաղթահարման, այդ թվում հայ ժողովրդի պահանջատիրության բավարարման ապահովումն է,- սեպտեմբերի 29-ին, «Սասնա Ծռեր» կուսակցության հիմնադիր համագումարի ժամանակ իր ելույթում նշեց Գարեգին Չուգասզյանը:
Նա թվարկեց արտաքին քաղաքական հիմնական խնդիրները.
Արցախը դե յուրե Հայաստանին միացնելու միջոցով արցախյան հակամարտության հայանպաստ լուծման միջազգային ճանաչման, ինչպես նաեւ այդպիսի լուծմամբ, տարածաշրջանում լարվածության կանխման ապահովում,
Արտաքին հարաբերությունների նոր կարգի մշակման գործում նախաձեռնողի, քարշակի դերի ստանձնման ապահովում,
Ազգային ցանցային գերակայությունների որոշում, դրա հիման վրա ազգային ցանցային միավորների արդիականացում,
Անդրազգային ցանցային միավորների վերագնահատում, դրանց հետ հարաբերվելու հարացույցների մշակում եւ իրագործում,
Համազգային ծրագրերի մշակման եւ իրագործման ապահովում:
Անդրադառնալով հայ-ռուսական հարաբերություններին, Չուգասզյանը նշեց, որ այդ հարաբերությունները դարձել են Հայաստանի կենսական շահերի հաշվին Ռուսաստանի շահերի իրացման նոր գաղթութային կախյալություն: Մյուս կողմից, ըստ նրա, Ռուսաստանի ներկայիս իշխանությունը մշտապես ձգտում է վերականգնել Հայաստանի նկատմամբ իր նախկին մենաշնորհը, որպես լուծում ընտրելով Հայաստանին իսպառ ընկճելու միջոցը:
«Այդ նպատակով ռուսաստանը կազմակերպում է հայերի արտագաղթ դեպի իր տարածք, Ադրբեջանին տրամադրում է ծանր սպառազինություն: Այս պայմաններում Հայաստանը համարում է, որ Ռուսաստանը կարող է իր համար լինել լուրջ գործընկեր, եթե երկկողմ համաձայնությամբ գույքագրման ենթարկվեն, վերանայվեն երկկողմ հարաբերությունները՝ բերելով նորմալ ձեւաչափի: Դա պահանջում է վերանայել Հայաստանում Ռուսաստանի ուժային ներկայությունը: Հայաստանի համար անընդունելի է իր սահմանների պահպանության իրականացումը օտար պետության սահմանապահ ուժերի կողմից: Ուստի ՀՀ-ն անհրաժեշտ է համարում դրանց անհապաղ դուրս բերումը եւ սահմանի պահպանությունը հայկական կողմին հանձնումը»,-հայտարարեց Չուգասզյանը՝ հավելելով. «Հայաստանը համարում է, որ իր տարածքում ռուսական ռազմակայանի պահպանման նպատակահարմարության վերաբերյալ որոշում կայացնելու դեպքում վերանայման ենթակա են դրանց գտնվելու ժամկետներն ու վայրը: Ռուսաստանի հետ հարաբերություններում Հայաստանը պետք է պատրաստ լինի շրջադարձային զարգացումների եւ այլընտրանքային լուծումների»:
Մարտի 27-ին՝ ժամը 16։30-ին, Հայելի ակումբի հյուրն է Ռուզաննա Ստեփանյանը
Մարտի 27-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մարտի 27-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Մարտի 27-ին՝ ժամը 12։00-ին, Հայելի ակումբի հյուրն է Էդգար Էլբակյանը
Մարտի 26-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Մարտի 26-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Մարտի 26-ին՝ ժամը 14։00-ին, Հայելի ակումբի հյուրն է նախկին ավագանու անդամ Սամվել Հակոբյանը
Մարտի 26-ին՝ ժամը 13։00-ին, Հայելի ակումբի հյուրն է Մեսրոպ Եսայանը
Մարտի 25-ին՝ ժամը 16։30-ին, Հայելի ակումբի հյուրն է ՀՅԴ-ից Արմենուհի Կյուրեղյանը
Մարտի 25-ին՝ ժամը 15։00-ին, Հայելի ակումբի հյուրն է Աննա Այվազյանը Արցախից
Հետևեք մեզ Viber-ում
