BBC-ն անդրադարձել է ՀՀ սփյուռքի նախարարի՝ Եգիպտոս կատարած այցին
Հայաստանի սփյուռքի նախարար Մխիթար Հայրապետյանը Facebook-ի իր էջում կատարած գրառման մեջ անդրադարձել է հանրահայտ BBC լրատվական ծառայության՝ Եգիպտոսում հայկական համայնքի մասին հրապարակած հոդվածին: Դրան կից ներկայացրել է ՀՀ սփյուռքի նախարարության պարբերականում հրապարակված հոդվածի հայերեն տարբերակը: Ներկայացնում ենք նախարարի գրառումն ամբողջությամբ. «BBC-ն ևս անդրադարձել է մեր պաշտոնական այցին: Ի տարբերություն եգիպտական մի շարք լրատվամիջոցների՝ բրիտանական լրատվական գործակալության արաբական ծառայությունը Հայոց ցեղասպանություն եզրույթից խուսափել է՝ օգտագործելով պատմական տեսանկյունից սխալ «Առաջին աշխարհամարտի ընթացքում զոհված հայեր» արտահայտությունը, սակայն, այնուամենայնիվ, հոդվածում ծավալուն անդրադարձ է արվում Եգիպտոսի հայ համայնքին, ինչպես նաև ականավոր եգիպտահայ գործիչների ծավալած գործունեությանը»,-գրել է նախարարը:
Հետևեք մեզ Viber-ում
