Բաքուն սպառնում է հայկական իշխանություններին

Ադրբեջանի պաշտպանության նախարարությունը հայտարարությամբ   հանդես   եկել  , որում իր դժգոհությունն է արտահայտել Արցախում զորավարժությունների անցկացման առումով: «Հայաստանի ռազմա-քաղաքական ղեկավարությունը դիմում է հերթական սադրիչ գործողություններին, որոնք միտված են շփման գծում իրավիճակի սրմանը: Եվ հակառակորդի կողմից տարածվող տեղեկատվությունն այն մասին, որ Ադրբեջանի օկուպացված տարածքներում անցկացվելու են ռազմական ավիացիայի ուսումնական թռիչքներ դրա ապացույցն է: Ադրբեջանի ՊՆ-ն զգուշացնում է, որ հակառակորդի ցանկացած օդային օբյեկտ, որը փորձ կանի մոտենալ ադրբեջանական բանակի առաջնագծի դիրքերին, անմիջապես կոչնչացվի»,- ասված է հայտարարության մեջ: Ադրբեջանը նաեւ զգուշացնում է, որ հնարավոր կորուստների համար ողջ պատասխանատվությունն ընկնում է Հայաստանի ռազմա-քաղաքական իշխանության վրա: