«Օրենքով գող» Վլադիմիր Վագինը, որը քրեական շրջանակում հայտնի է «Վագոն» մականունով, ինքնասպան է եղել Պերմի մարզի Վսեվյատսկի բնակավայրի թիվ 10 ուղղիչ գաղութում: Այս մասին նախօրեին shamshyan.com-ի փոխանցմամբ,հայտնել է «Փրայմ-Քրայմը»: Գործակալության տեղեկություններով՝ 54-ամյա հեղինակության մարմինը խցում է հայտնաբերվել տեղական ժամանակով 22:30-ց մինչեւ 23:00 ժամանակահատվածում: Նախկինում բազմիցս դատված, ծագումով Կալինինգրադից Վագինը «օրենքով գողի» կոչում է ստացել 1995 թվականին: Այնպիսի հեղինակությունների շարքում, ինչպիսին են Յուրի Պիչուգինը (Պիչուգա) եւ Վասիլի Խրիստոֆորովը (Վոսկրես), Վագոնը համարվում էր հետխորհրդային տարածքի գլխավոր «օրենքով գողերից» մեկի՝ Ասլան Ուսոյանի (Դեդ Հասան) կլանի սլավյանսկյան հատվածի առանցքային դեմքերից մեկը: 2013 թվականին ԱՄՆ իշխանությունները Վագինին մտցրել են հիպոթեթիկ հանցավոր կազմակերպություն «Եղբայրութան շրջանակի» կազմի մեջ, որը միավորում է ռուսաստանցի «օրենքով գողերին» եւ նրանց մերձավորներին: Իր 9 դատվածություններից վերջինը՝ խիստ ռեժիմի գաղութում 7,5 տարի, Վագինը ստացել է 2016 թվականին ոստիկանության աշխատակցի դեմ մահափորձի համար: Հիշեցնենք, որ 2009 թվականի մարտին Նիժնի Նովգորոդում Վագինը «Սոխո» սրճարանի մոտ փողոցային ծեծկռտուքի ժամանակ դանակահարել էր ՆԳՆ ակադեմիայի շրջանավարտին: Տուժածի անձի մասին տեղեկանալով՝ Վագինը Դուբայ էր փախել, «օրենքով գող» Վլադիսլավ Լեոնտեւի մոտ (Վադիկ Բելիյ), որը 2004 թվականից նույնպես արդարադատությունից թաքնվում էր (ինչպես Վագինը, նա եւս ԱՄՆ-ում մտցված է «Եղբայրության շրջանակի» մեջ եւ համարվում է դրա ղեկավարը): Վագինը 2014 թվականի հուլիսին ԱՄԷ-ից Ռուսաստան է արտահանձնվել: Սկզբում նրան «առողջությանը միջին ծանրության դիտավորյալ վնասվածք հասցնելու» համար դատապարտել են 1 տարի 9 ամիս ժամկետով՝ պատիժն անցկացնելու էր բնակավայր-գաղութում: Սակայն դատախազությունը դատավճիռը բողոքարկել էր: Նոր դատաքննությամբ Վագինի գործողությունները վերաորակվել էին մահափորձի հոդվածով, եւ պատժաժամկետը մեծացվել էր մինչեւ 7,5 տարի: Հեղինակությունը թիվ 10 ուղղիչ գաղութ էր տեղափոխվել անցած փետրվարին նույն Պերմի մարզի թիվ 35 ուղղիչ գաղութից:
Մարտի 27-ին՝ ժամը 16։30-ին, Հայելի ակումբի հյուրն է Ռուզաննա Ստեփանյանը
Մարտի 27-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մարտի 27-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Մարտի 27-ին՝ ժամը 12։00-ին, Հայելի ակումբի հյուրն է Էդգար Էլբակյանը
Մարտի 26-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Մարտի 26-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Մարտի 26-ին՝ ժամը 14։00-ին, Հայելի ակումբի հյուրն է նախկին ավագանու անդամ Սամվել Հակոբյանը
Մարտի 26-ին՝ ժամը 13։00-ին, Հայելի ակումբի հյուրն է Մեսրոպ Եսայանը
Մարտի 25-ին՝ ժամը 16։30-ին, Հայելի ակումբի հյուրն է ՀՅԴ-ից Արմենուհի Կյուրեղյանը
Մարտի 25-ին՝ ժամը 15։00-ին, Հայելի ակումբի հյուրն է Աննա Այվազյանը Արցախից
Հետևեք մեզ Viber-ում
