Հայկ Մարությանը վաճառել է՞ Հյուսիսային պողոտայի տունը

Երևանի արտահերթ ընտրություններում «Իմ քայլը» դաշինքի քաղաքապետի թեկնածու Հայկ Մարությանն այսօր քվեարկեց 9/47 ընտրատեղամասում: Նախքան ընտրություն կատարելը թեկնածուն պատասխանեց լրագրողների հարցերին: Մարությանը հիշեցրեց, թե նախկինում ինչպես էին անցնում ըտնտրությունները՝ ընտրարշավը՝ հանգիստ ու հանդարտ, իսկ ընտրությունները վերջանալուց հետո սկսվում էր ետընտրական պրոցեսը, իսկ այս դեպքում ամեն ինչ հակառակը տեղի ունեցավ, ինչպես լինում է ամբողջ աշխարհում՝ սկզբից գնում է ընտրարշավը, և կրքերը բորբոքվում են. «Իրար վրա ինչ-որ բաներ են գտնում՝ սուտ, ճիշտ, այդ ամենը կոչվում է ընտրարշավ, այդ ամեն ինչը կոչվում է քաղաքականություն, իսկ ընտրություններից հետո արդեն ամեն ինչ հանդարտվում է»։ Հարցին, թե Երևանում ամենաառաջնային խնդիրը որն է, որ ապագա քաղաքապետը պետք է լուծի, Մարությանը նշեց աղբահանության մասին: Մեղադրանքներին, որ Իմ Քայլը դաշինքը քարոզարշավի ժամանակ սահմաններ է անցել, դաշինքի առաջին համար Հայկ Մարությանը հայտարարեց, որ նման բան չի եղել: Մարությանը հայտարարեց, որ անկախ ամեն ինչից շարունակելու է ապրել Երևանում, չի գնալու Չեխիա, որտեղ ապրելու համար արդեն 14 տարի կեցության իրավունք ունի: Հայկ Մարությանն անդրադարձավ նաև այն խոսակցություններին, որ ինքը վաճառել է Հյուսիսային պողոտայում գտնվող բնակարանը՝ նշելով, որ դրանք չեն համապատասխանում իրականությանը: