Խաչատուր Սուքիասյանը վերլուծում է բիզնեսի զարգացման առանձնահատկությունները ՀՀ-ում
«Սիլ կոնցեռնի» հիմանդիր Խաչատուր Սուքիասյանը օրեր առաջ հանդիպեց Առաջնորդության դպրոցի շրջանավարտների հետ, նրանց ներկայացնելով բիզնեսի զարգացման առանձնահատկությունները Հայաստանում:
Հանդիպման սկզբում Սուքիասյանը նախ ներկայացրեց իր տեսլականն ու այն մարտահրավերները, որոնք ծառացած են մեր երկրում, ինչպես պետք է սկսել բիզնեսը, որ ոլորտներն են արդիական, որտեղ ինչ խնդիրներ կան: Ներկայացրեց այն սկզբունքները, որոնցով ինքն է առաջնորդվում բիզնես ոլորտում, ինչպես նաև համառոտ պատմեց իր անցած ճանապարհի մասին: Ապա սկսվեց հարցուպատասխանը:
Շրջանավարտները բանախոսից հետաքրքրվեցին՝ ինչպես պետք է գործեն, որպեսզի հասնեն հաջողության, ինչն է ավելի կաևոր բիզնես միջավայրի համար, ինչպես նաև՝ ինչ խնդիրներ կան այսօր Հայաստանում:
Խաչատուր Սուքիասյանը պատասխանելով բոլորի հարցերին՝ կարևոր խորհուրդներ տվեց երիտասարդներին՝ իրենց հետագա գործունեությունը ծավալելու համար:
Ավելի քան 2 ժամ տևած դասախոսությունն անցավ ջերմ և աշխույժ մթնոլորտում։ Շրջանավարտները հանդիպման վերջում արձանագրեցին, որ կարևոր շատ գիտելիքներ են ստացել, որոնք կարելի է կիրառել թե՛ տեսական, և թե՛ արդեն գործնական ասպարեզում:
Հետևեք մեզ Viber-ում
