Երևանի ավագանու ընտրությունների համար սոցհարցումներ իրականացրած Gallup International Association-ի Հայաստանում լիիրավ անդամ Էմ Փի ՋԻ-ի տնօրեն Արամ Նավասարդյանը վստահեցնում է ՝ հարցումներից ստացված թվերը ընտրություններին մասնակցող կուսակցությունների և դաշինքների աշխատանքի արդյունքն են:
«Արմենպրես»-ի հաղորդմամբ՝ Նավասարդյանը նման տեսակետ հայտնեց լրագրողների հետ հանդիպմանը Երևանի ավագանու ընտրությունների համար արված «Քաղաքապետի 12 առաքյալները – արար 2-րդ» խորագրով հետազոտության արդյունքներն ամփոփելուց հետո:
«Մենք հրապարակում ենք այն պատկերը, որը գրանցվում է՝ հաշվի առնելով քարոզարշավը, դրա տևողությունը, արդար լինելը կամ չլինելը, կուսակցությունների՝ իրենց ծրագրերը հստակ ներկայացնելու հնարավորությունները: Այն պատկերը, որը գրանցվում է, ոչ թե մեր մեղքն է, այլ այն իրականությունն է, որը գրանցվում է նրանց աշխատանքի արդյունքում»,-ասաց Նավասարդյանն ու նկատեց՝ նախորդ հարցման համեմատ մի քանի կուսակցությունների ցուցանիշներ աճել էին, մի քանիսինը՝ նվազել:
Նա նշեց նաև՝ վերջին մեկ շաբաթում տարբեր կուսակցությունների կողմից շատ հակադարձ թիրախավորումներ, կոմպրոմատներ եղան: «Թե ինչու են ընտրարշավի ժամանակ անցնում անձնական վիրավորանքների, ես չեմ կարող ասել: Կրկնում եմ՝ մենք պարզապես արձանագրում ենք այն փոփոխությունները, որոնք տեղի են ունեցել՝ հաշվի առնելով նաև այդ փոխադարձ թիրախավորումները»,-նշեց Նավասարդյանը:
Անդրադառնալով «Լույս» դաշինքից Էդմոն Մարուքյանի՝ քարոզարշավում արված դիտարկմանը, թե սոցհարցումներին հավատալ պետք չէ, ԱՄՆ նախագահի ընտրության և Brexit-ի ժամանակ սոցհարցումների արդյունքները սխալ են եղել, Նավասարդյանը նշեց՝ Մարուքյանին տված տեղեկությունները թերի են կամ ոչ մասնագիտական: «Խոսվում է, որ Դոնալդ Թրամփի հաղթանակը որևէ կերպ չէր կանխատեսվում, և բոլորն ասում էին, թե Հիլարի Քլինթոնն է հաղթելու: Իրականում երբևէ որևէ լուրջ հետազոտական կազմակերպություն չի ասել, որ հաղթելու է Քլինթոնը կամ Թրամփը: Ուղղակի ԱՄՆ-ում կան լրագրողներ, ովքեր հակված են եղել այս կամ այն թեկնածուի հետ կապված մեկնաբանություն անել: Քանի որ 1 տոկոսով առաջ է եղել Քլինթոնը, լրագրողները նշել են, թե հաղթելու է հենց նա: Որևէ լուրջ հետազոտական կազմակերպության ղեկավար մեկնաբանություն չի տվել, թե ով է հաղթելու»,-ասաց նա ու հիշեցրեց 3 կամ 2 տոկոս ընտրանքային սխալի մասին:
Անդրադառնալով Brexit-ին՝ նա նշեց՝ դրա հետ կապված եղել էին շատ հետազոտություններ: Դրանց մի մասն ասում էր, թե Brexit չի լինելու, իսկ մյուս մասը՝ հակառակը: Նավասարդյանը նկատեց՝ պարզապես ավելի շատ քննարկվում, տարածվում էին այն հետազոտությունները, որոնք ասում էին, որ չի լինելու Brexit:
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Մայիսի 13-ին՝ ժամը 15։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 13-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Գասպարի Սարգսյանը
Մայիսի 13-ին՝ ժամը 15։30-ին, Հայելի ակումբի հյուրն է վաստակավոր ուսուցչուհի Գյուլնարա Ալեքսանյանը
Մայիսի 12-ին՝ ժամը 15։00-ին, Հայելի ակումբի հյուրն է Ալբերտ Բազեյանը
Մայիսի 12-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Մայիսի 12-ին՝ ժամը 12։30-ին, Հայելի ակումբի հյուրն է Ռուզաննա Ստեփանյան
Մայիսի 12-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Մայիսի 11-ին՝ ժամը 15։00-ին, Հայելի ակումբի հյուրն է Աննա Այվազյանը
Մայիսի 11-ին՝ ժամը 16։00-ին, Հայելի ակումբի հյուրն է Սուրեն Սուրենյանցը
Հետևեք մեզ Viber-ում
