Կառավարությունում փոխզիջման գնացին

Կառավարությունն այսօր՝ սեպտեմբերի 20-ին, հավանություն տվեց հին նմուշի անձնագրերի տրամադրման ժամկետը եւս մեկ տարով երկարաձում նախատեսող օրինագծին: «Նույնականացման քարտերի մասին» ՀՀ օրենքում փոփոխություններ կատարելու մասին» եւ «ՀՀ քաղաքացու անձնագրի մասին» օրենքում փոփոխություններ կատարելու մասին» օրենքների նախագծերի մասին որոշումը ներկայացրել է ՀՀ ոստիկանապետ Վալերի Օսիպյանը: «ՀՀ քաղաքացու անձնագրի մասին» եւ «Նույնականացման քարտերի մասին» ՀՀ օրենքներով սահմանված է, որ հին նմուշի անձնագրերը ՀՀ քաղաքացիներին տրամադրվելու է մինչեւ 2019 թվականի հունվարի 1-ը, ինչը ենթադրում է, որ հունվարի 1-ից հետո ՀՀ քաղաքացիներին կարող են տրամադրվել բացառապես կենսաչափական անձնագրեր: ՀՀ ոստիկանապետը նշել է, որ այժմ առաջարկվում է ժամկետը սահմանել ոչ թե 2019 թվականի հունվարի մեկը, այլ՝ 2021 թվականը: Որպես հիմնավորում Օսիպյանն ասել է, որ 2017-ի հունվարի 1-ին ավարտվել է ՀՀ կենսաչափական անձնագրերի եւ նույնականացման քարտերի համակարգը սպասարկող եւ բլանկներ մատակարարող Լեհական PWPW ընկերության հետ կնքված պայմանագրի գործողության ժամկետը եւ նոր պայմանագիր չի կնքվել: Կառավարությունը հավանություն տվեց օրինագծին: