Հորմուզի նեղուցը խիստ վերահսկվում է

Իրանը վերականգնել է ռազմական վերահսկողությունը Հորմուզի նեղուցի նկատմամբ, հայտարարել է Իրանի ԶՈւ կենտրոնական շտաբի «Խաթամ ալ-Անբիա» ներկայացուցիչը։ Նրա խոսքերը փոխանցում է Իսլամական հեղափոխության պահապանների կորպուսը։

Նրա խոսքով՝ դա կապված է այն բանի հետ, որ ամերիկացիները «շարունակում են զբաղվել ծովահենությամբ և ծովային ավազակությամբ՝ այսպես կոչված բլոկադայի պատրվակով»։

«Այդ պատճառով Հորմուզի նեղուցի նկատմամբ վերահսկողությունը վերադարձվել է նախկին վիճակին, և այս ռազմավարական նեղուցը գտնվում է զինված ուժերի խիստ կառավարման և վերահսկողության տակ», — ասվում է հաղորդագրության մեջ։