Կա մի քրեական հոդված, որը հորինվել ա հատուկ քաղաքական նպատակներով

Ուրեմն կա մի քրեական հոդված, որը հորինվել ա հատուկ քաղաքական նպատակներով։ Մոտավորապես կոչվում ա «համացանցային խուլիգանություն» ու նախատեսված ա ընդդիմադիրներին կալանավորելու համար։ 

Դա քաղաքական հորինած հոդված ա, որովհետև խուլիգանությունը էն ա, երբ ես ձեր բալկոնի տակ մի կես ժամ հայհոյանքներով, գոռոցով կռիվ անեմ... որը դուք (ամենակարևորն ա) ՉԵՔ ԿԱՐԱ ՉԼՍԵՔ... բայց հիմա հորինվել ա  էս հոդվածը, որը սեփական յութուբ ալիքում մի բան ավել-պակաս խոսելու, սթենդափ ներկայացման ժամանակ քֆուրով հումոր պատմելու ու դա յութուբ քցելու համար ազատազրկում ա նախատեսում։ 

Հիմա այ էդ հոդվածով արդեն երկրորդ եռամսյա կալանքն են ստացել Իմնեմնիմի փոդքաստի վարողներ Նարեկ Սամսոնյանը ու Վազգեն Սաղաթելյանը։ Ընդ որում Սամսոնյանը նաև 10 օր է պատժախցում հացադուլ է անում։ Ընդ որում ամենաաբսուրդն այն է, որ էս պատմությունը սկսվել է նրանից, որ Ալենն է հայհոյել նրանց, իսկ նրանք ի պատասխան են վիրավորել Ալենին։ 

Դուք գիտեք` ես երբեք ոչ նորմատիվ լեքսիկոնի չեմ անցնում, չեմ սպառում էնպիսի կոնտենտ, որում հայհոյանքները նորմալ են (բացի ստենդափից ու ռեպից), բայց իմ ճաշակը սահմանափակվում ա իմ յութուբի բաժանորդագրություններով, այլ ոչ թե քրեական օրենսգրքով։ Ու ոչ մեկի քաղաքական ճաշակը չի կարա թելադրվի մի ամբողջ հանրության` քաղաքական ռեպրեսիաներով։ 

Ազատություն բոլոր քաղբանտարկյալներին։

Միքայել Նահապետյանի ֆեյսբուքյան էջից