Սերժ Սարգսյանի ու ՀՀԿ-ի կառավարման շրջանում ՀՀ-ն դարձավ «Ընդդեմ ցեղասպանությունների» համամարդկային պայքարի կարեւոր կենտրոն. Շարմազանով

ՀՀԿ ԳՄ անդամ Էդուարդ Շարմազանովը գրում է.

Սերժ Սարգսյանի ու ՀՀԿ-ի կառավարման շրջանում ՀՀ-ն դարձավ «Ընդդեմ ցեղասպանությունների» համամարդկային պայքարի կարեւոր կենտրոն։
1948 թ. դեկտեմբերի 9-ին ՄԱԿ-ի Գլխավոր ասամբլեան ընդունեց «Ցեղասպանության հանցագործությունը կանխարգելելու և պատժելու մասին» կոնվենցիան:
2015 թ. սեպտեմբերին Հայաստանի Հանրապետության նախաձեռնությամբ՝ ՄԱԿ-ի Գլխավոր ասամբլեան դեկտեմբերի 9-ը հռչակեց Ցեղասպանության հանցագործությունների զոհերի հիշատակի, նրանց արժանապատվության հարգանքի և այդ հանցագործության նախազգուշացման միջազգային օր։
Պատմությունը ցույց տվեց, որ Հայոց ցեղասպանության անպատժելիությունը հանգեցրեց այլ ցեղասպանությունների: Լեհաստանի վրա հարձակվելու նախօրյակին՝ 1939 թ. օգոստոսի 22-ին, նացիստական Գերմանիայի առաջնորդ Ադոլֆ Հիտլերն Օբերզալցբերգում (Բավարիա, Գերմանիա) սպաների առաջ ելույթ ունենալիս հայտարարում է.
«Ես հրաման եմ արձակել առ այն, որ մեր պատերազմի նպատակը որոշակի տարածքներ նվաճելը չէ, այլ թշնամու ֆիզիկական ոչնչացումը. և կհրամայեմ վերացնել ցանկացածին, ով կհամարձակվի թեկուզ մեկ քննադատական խոսք ասել: Ուստի ես ռազմական պատրաստականության եմ կոչել իմ մահվան ջոկատներին առայժմ միայն արևելքում՝ հրամայելով անխտիր և առանց գթալու մահվան ուղարկել լեհական ծագման բոլոր տղամարդկանց, կանանց ու երեխաներին կամ այդ լեզվով խոսողներին: Միայն այսկերպ մենք ձեռք կբերենք այն կենսական տարածքը [գերմ.՝ Lebensraum], որի կարիքն ունենք: Ի վերջո ո՞վ է այսօր խոսում հայերի բնաջնջման մասին»:
Անժխտելի փաստ է,որ 2008-2018թթ. ՀՀ արտաքին քաղաքական առաջնային անկյունաքարն եղել Հայոց Ցեղասպանության դատապարտումն ու ճանաչումը։
Այդ տարիներին բազմաթիվ պետություններ ճանաչեցին Հայոց Ցեղասպանությունը՝ Շվեդիայի խորհրդարան/2010/,
Բոլիվիայի Սենատ եւ Պատգամավորների պալատ/2014/,
Հռոմի սրբազան քահանայապետ Ն.Ս.Ֆրանցիսկոսի հայտարարություն պատարագի ժամանակ/2015/,
Չիլիի Պատգամավորների պալատ/2015/,
Չեխիայի Պատգամավորների պալատի արտաքին հարաբերությունների կոմիտե /2015/,
Եվրոպական խորհրդարանի բանաձեւ՝ Հայոց Ցեղասպանության 100-րդ տարելիցի կապակցությամբ/2015/,
Ավստրիայի խորհրդարանի հայտարարություն ՝Հայոց Ցեղասպանության 100-րդ տարելիցի կապակցությամբ/2015/,
Գերմանիայի նախագահ Յոախիմ Գաուկի հայտարարություն ՝Հայոց Ցեղասպանությունը դատապարտելու վերաբերյալ/2015/,
ՌԴ Պետական դումայի հայտարարություն՝ Հայոց Ցեղասպանության 100-րդ տարելիցի կապակցությամբ/2015/,
Լյուքսեմբուրգի խորհրդարանի բանաձեւ/2015/,Բրազիլիայի Սենատի բանաձեւ/2015/,
Բելգիայի Ներկայացուցիչների պալատի բանաձեւ/2015/,
Պարագվայի Սենատի բանաձեւ/2015/,
Կիպրոսի խորհրդարանի բանաձեւ՝ Հայոց Ցեղասպանության ժխտումը քրեականացնելու վերաբերյալ/2015/,
Հունաստանի խորհրդարանի հայտարարություն՝ Հայոց Ցեղասպանության 100-րդ տարելիցի վերաբերյալ,Գերմանիային Բունդեստագի բանաձեւ/2016/,
Ֆրանսիայի Սենատ՝ Հայոց Ցեղասպանության ժխտումը քրեականացնող բանաձեւի հաստատում/2016/,
Չեխիայի Ներկայացուցիչների պալատ/2017/։
Ավելին.2015-ի ապրիլի 24-ին Ծիծեռնակաբերդում Հայոց Ցեղասպանությունը դատապարտեցին ՌԴ նախագահ Վ.Պուտինն ու Ֆրանսիայի նախագահ Ֆ.Օլանդը։

Իսկ 2015-ի հունվարի 29-ին Սերժ Սարգսյանի գլխավորությամբ ընդունվեց Համահայկական հռչակացիրը ,որը Ծիծեռնակաբերդում ընթերցեց ՀՀ երրորդ նախագահը։
2015-ի հունվարի 29-ին Սերժ Սարգսյանը հստակ եւ ուղիղ կոչ է անում Թուրքիային՝ ճանաչելու Հայոց Ցեղասպանությունը՝ դատապարտելով վերջինիս կողմից Հայաստանի շրջափակումը։

Սերժ Սարգսյանի կողմից ընթերցված հռչակագիրը.
« Դատապարտում է Թուրքիայի Հանրապետության կողմից Հայաստանի Հանրապետության ապօրինի շրջափակումը, միջազգային հարթակներում ցուցաբերվող հակահայկական կեցվածքը և միջպետական հարաբերությունների կարգավորման համար նախապայմանների առաջադրումը՝ դրանք գնահատելով որպես Հայոց ցեղասպանության մինչ օրս անպատիժ մնալու հետևանք»։
Իսկ հռչակաւրի 8-րդ կետը ,որն ընթերցել է Սերժ Սարգսյանը .
«Կոչ է անում Թուրքիայի Հանրապետությանը՝ ճանաչել և դատապարտել Օսմանյան կայսրության կողմից իրականացված Հայոց ցեղասպանությունը և մարդկության դեմ իրագործված այդ սոսկալի ոճրի զոհերի հիշատակը ոգեկոչելու միջոցով առերեսվել սեփական պատմության ու հիշողության հետ՝ հրաժարվելով կեղծարարության, անհերքելի իրողության ժխտման և հարաբերականացման քաղաքականությունից»։
Եզրակացություն:
Նախագահ Սերժ Սարգսյանի արտաքին քաղաքական կարեւորագույն անկյունաքարն է հանդիսացել Հայոց Ցեղասպանության դատապարտումը։
Նրա կառավարման շրջանում Կիպրոսն ու Ֆրանսիան նույնիսկ քրեականացրել են Հայոց Ցեղասպանության ժխտումը։
Սերժ Սարգսյանը 2015-ին հրապարակային դատապարտել է Թուրքիայի ՀՀ-ն բլոկադայի ենթարկելու քայլերն ու կոչ է արել Թուրքիայի ղեկավարությանը ճանաչել ու դատապարտել Հայոց Ցեղասպանությունը։