Հայաստանում ներդրումային միջավայրը խաթարված է

Հանրային ծառայությունները կարգավորող հանձնաժողովը որոշեց չեղյալ հայտարարել ՀԷՑ-ի՝ «Տաշիր կապիտալ» ընկերությանը տրված լիցենզիան։ Քանի՞ հոգի է հավատում, որ այդ հանձնաժողովն իրականում անկախ մարմին է, այն ինքնուրույն, ինքնակամ է նման որոշում կայացրել; Հայաստանում ներդրումային միջավայրը խաթարված է, էլ ո՞վ կուզենա Հայաստանում մեծ ներդրում կատարել, եթե մի օր իշխանությունը կարող է վերցնել ներդրողի բիզնեսը։ Հայաստանում նման վեճերը արդար լուծող դատարաններ չկան, թեև կան քիչ թվով արդար դատավորներ։Դրսից ներդրումներն առանց այդ էլ քիչ են, տնտեսության աճը միայն շինարարության և ծառայությունների հաշվին է։ Շինարարության մեջ անկումն անխուսափելի է, քանի որ Երևանում եկամտահարկի վերադարձն այլևս չի գործում, կառուցվող հսկայական թվով բնակարանների համար վճարունակ պահանջարկ արդեն չկա։ ՔՊ-ական իշխանությունն անընդհատ մեծացնում է Հայաստանի առանց այդ էլ ծանր վարկային բեռը, այն սպասարկելու համար ավելացնում հարկերն ու տուրքերը։ Սա առաջացնելու է բնակչության շատ խավերի, փոքր ու միջին բիզնեսի մեծ դժգոհությունը։ Իշխանությունը նստած է վարկային ասեղի, աճող հարկերի,տուրքերի վրա։ Դա մխացող հրաբուխ է, որը վաղ թե ուշ ժայթքելու է։

Այս մասին գրել է Ոսկան Սարգսյանը