Ինչու էին երեխաները Մասիս սար և ցեղասպանություն նկարել, որը դուր չէր եկել Փաշինյանին
Իրավապաշտպան Ժաննա Ալեքսանյանն ֆեյսբուքյան իր էջում գրում է.
«Սահմանամերձ Չորաթան գյուղում եղել եմ տարիներ առաջ, երբ թշնամու կրակոցից զոհված զինծառայողների մասին պատմություններն էինք լուսաբանում։
Այցելել ենք մի քանի ընտանիքներ, որոնք իրենց զոհված որդիների պատմություններին զուգահեռ՝ հիշում էին ադրբեջանցիների կողմից առևանգված և սպանված իրենց հարազատների մասին։
Նրանցից մեկն, օրինակ, պատմում էր, որ առևանգելուց օրեր անց վեադարձրել են խոշտանգված ու դաժանորեն սպանված եղբոր մարմինը։
Մենք նրանց չենք հարցրել, բայց նրանք պատմում էին։ Այդ պատմությունները չեն մոռացվում, որովհետև իրական են և թարմ։ Մարդկանց մեջ այսօր էլ առկա են այդ վախերն ու տագնապները։
Երեխաները ենթագիտակցորեն Մասիս սար ու ցեղապանություն են նկարում, քանի որ լուռ նրանց է փոխանցվում հարազատների ապրումները։ Սա է մարդկայինը»:
Հետևեք մեզ Viber-ում
