Ժողովրդավարությունը իջեցրին ցեղասպանի հետ եռյակ միություն ստեղծելու նսեմ նշաձողին՝ ամենատարբեր նկրտումներով

Ցեղասպանի, ռազմական հանցագործի՝ Ալիևի հետ ցնցիչ եռյակ միություն կազմած ԱՄՆ նախագահի և փաստացի ՀՀ վարչապետի հանդիպումը մեկնարկում է։ ԱՄՆ ազդեցիկ պարբերականը «ավետիս» էր փոխանցում, թե ԱՄՆ նախագահ Դոնադ Թրամփի հետ Ալիևն ու Փաշինյանը ցնցող համաձայնագիր կստորագրեն, ըստ որի, The Washington post -ի պնդմամբ՝ Միացյալ Նահանգները կպահանջի Հարավային Կովկասով «Զանգեզուրի միջանցքը» զարգացնելու բացառիկ իրավունքներ, ինչը ցնցիչ կլինի ոչ միայն Ռուսաստանի, այլև Իրանի և Թուրքիայի համար, որոնցից յուրաքանչյուրն ունի տնտեսական և քաղաքական առանձին շահեր մեր ռազմավարական տարածաշրջանում։ Սակայն կարծում եմ, որ նման համաձայնագիրը կարող է արժանանալ Թարմփի և Զելենսկու ստորագրած փաստաթղթի ճակատագրին՝ հազվագյուտ մետաղները դեռ պարզ չէ, թե ում բացառիկ իրավունքներին կտրվեն։ Մեզ համար անխուսափելի դարձած ազգային ամոթը պաշտոնական Հայաստանի միավորումն է Ադրբեջանի և ԱՄՆ-ի կամքին՝ ԵԱՀԿ մինսկի խմբի լուծարման հարցում։ Հայտնում են, որ Փաշինյանը Վաշինգտոնում «պատմական» նամակ է ստորագրելու՝ հույս ունենալով փակել Արցախի հարցը․ այսօր նախատեսվում է դույն համատեղ նամակի ստորագրումը՝ պաշտոնական «խնդրանքով» Եվրոպայի անվտանգության և համագործակցության կազմակերպությանը լուծարել 1994 թվականին Լեռնային Ղարաբաղի հակամարտության լուծում գտնելու համար ստեղծված Մինսկի խումբը։ Խումբը, ինչպես հայտնի է, գլխավորում են Ռուսաստանը, Ֆրանսիան և Միացյալ Նահանգները, սակայն Ալիևը կարծում է, որ Արցախյան հակամարտությունը ռազմական հանցագործ ուժի կիրառմամբ, Արցախի էթնիկ զտման, փաստացի ցեղասպանության միջոցով փաստացի լուծել է, և իր հետ համակարծիք են Թրամփն ու Փաշինյանը։ Ազգային ամոթի խարանն ահազարհուր է, ուրացում, ուրացում, անձնատվություն մինչև վերջ․․․․Ժողովրդավարությունը իջեցրին ցեղասպանի հետ եռյակ միություն ստեղծելու նսեմ նշաձողին՝ ամենատարբեր նկրտումներով։

Այս մասին գրել է Նարինե Դիլբարյանը