Կիև-Բաքու գազային համաձայնագրի թանաքը դեռ չչորացած, ռուսական հարվածային ԱԹՍ-ներն այն վերածեցին անպետք թղթի մի կտորի․ Ոսկանյան

Աշխարհաքաղաքական մեծ խաղի համատեքստում Բաքվի բարբարոսական վարչախումբն առայժմ հիստերիայից բացի, իրական ոչինչ չի կարողանում հակադրել Ռուսաստանի կողմից հասցվող խիստ ցավոտ հարվածներին, գրել է ԵՊՀ Արևելագիտության ֆակուլտետի Իրանագիտության ամբիոնի վարիչ Վարդան Ոսկանյանը։

«Երեկ գիշեր Բաքվի գազն Անդրբալկանյան գազամուղով Ուկրաինա հասցնող «Օրլովկա» գազաբաշխիչ կայանի ամբողջական ոչնչացումը ռուսական հարձակման արդյունքում նաև աշխարհաքաղաքական խոշոր հարված է Բաքվի բռնապետի գազային նկրտումներին, որոնք ենթադրում են Ռուսաստանի շրջանցմամբ գազի մատակարարումներ Եվրոպա։

Վերջերս տեղի ունեցած Կիև-Բաքու գազային համաձայնագրի թանաքը դեռ չչորացած, ռուսական հարվածային ԱԹՍ-ներն այն վերածեցին անպետք թղթի մի կտորի, որը նաև Բաքվի բռնապետության՝ Արևելյան Եվրոպայի գազամատակարար դառնալու պատրանքի մահախոսականն է։

«Օրլովկայի» կրակներում այրված նաև գազային այդ պատրանքի վրա էին խարսխված Բաքվի բարբարոսական վարչախմբի ծավալապաշտությունը և լկտի նկրտումները Հայաստանի նկատմամբ, որոնք, ցավալիորեն կարող են բավարարվել Վաշինգտոնում «գեղեցիկ փաթեթավորմամբ»,- սոցցանցի իր էջում գրել է Վարդան Ոսկանյանը։