Որևէ «երրորդ ֆունկցիոնալ կողմի» առկայությունը նշանակում է ՀՀ տարածքը դե ֆակտո դարձնել վիճելի. քաղաքագետ

«Ապշել կարելի է, թե ինչպես է փորձ արվում զանազան տաղավարներում հիմնավորել Հայաստանի տարածքով անցնող ճամապարհին առնչվող որեւէ պետական գործառույթի «արտապատվիրակման» որեւէ տարբերակ»,- այս մասին նշել է քաղաքական մեկնաբան Հակոբ Բադալյանը:

Ըստ նրա, իսկ հարցն այստեղ բացարձակապես լոկ այն չէ, որ այդպիսով օտարվում է Հայաստանի ինքնիշխան պետական գործառույթի որեւէ աստիճան, հետեւաբար՝ ինքնիշխանության որեւէ աստիճան:

«Հայաստանի հանրապետության միջազգայնորեն ճանաչված տարածքում որևէ «երրորդ ֆունկցիոնալ կողմի» առկայությունը նշանակում է Հայաստանի հանրապետության տարածքը դե ֆակտո դարձնել վիճելի:

Դա մի կնիք է, որ դրվելու է Հայաստանի այդ տարածքի վրա եւ այն ոչ միայն չի վերանալու երբեւէ, այլ ըստ էության ժամանակի ընթացքում խորանալու է անխուսափելիորեն»,- գրել է Բադալյանը։