Թեհրանում բռնել են իսրայելական ԱԹՍ-ներ տեղափոխող բեռնատար

Իրանի հատուկ ծառայությունները Թեհրանում բռնել են բեռնատար, որը կասկածվում էր առաջադեմ իսրայելական անօդաչու թռչող սարքեր տեղափոխելու մեջ։ «Արմենպրես»-ի փոխանցմամբ՝ այս մասին հայտնում է իրանական Press TV-ն։

Նշվում է, որ միջադեպը տեղի է ունեցել հունիսի 15-ին։ Իրանական հետախուզության աշխատակիցը հետապնդել է կասկածելի բեռնատարը։ Երկու ճշգրիտ կրակոց արձակելով՝ սպան կանգնեցրել է մեքենան. արդյունքում բացահայտվել է Իսրայելի գործողությունների հետ կապված բարդ անօդաչու թռչող սարքերի պահեստ։

Իրավասու մարմինները չեն բացահայտել դեպքի մանրամասները, սակայն ընդգծել են արտաքին սպառնալիքներին դիմակայելու իրենց վճռականությունը։

Press TV-ն նաև նշում է, որ Իրանի իրավասու մարմինները խուզարկություն են իրականացրել Թեհրանի ծայրամասում գտնվող եռահարկ բնակելի շենքում՝ բացահայտելով «Մոսադ»-ի՝ Իսրայելի հետախուզական գործակալության կողմից շահագործվող անօդաչու թռչող սարքերի և պայթուցիկ նյութերի հավաքման գաղտնի հաստատություն։

Մանրամասն՝ սկզբնաղբյուր կայքում։